Beyləqanda Şəhidi baş leytenant Dadaşzadə Mahir Qərib oğlunun doğum günü keçirildi
01 sentyabr 2021-ci il tarixdə Beyləqan rayonu Heydər Əliyev Mərkəzində Mərkəzin təşkilatçılığı ilə 44 günlük Vətən müharibəsi şəhidi baş leytenant Dadaşzadə Mahir Qərib oğlunun doğum günü ilə əlaqədar tədbir keçirmişdir.
Əvvəlcə tədbir iştirakçıları Beyləqan rayonu həzrəti Cərciz peyğəmbər ziyarətgahında uyuyan Şəhidlərimizi ziyarət etmişlər. Şəhidlər xiyabanında şəhid Dadaşzadə Mahir Qərib oğlunun və şəhidlərin məzarları ziyarət olunduqdan sonra tədbir yuxarıda adı çəkilən məkanda davam etmişdir.
Tədbirdə Beyləqan rayon İcra hakimiyyəti başçısının birinci müavini Telman Məstanov, Kürdəmir Regional Mədəniyyət İdarəsinin rəisi Faiq Qudanlı, Şəhidin ata, anası,qohumları, döyüş yoldaşları, şəhid ailələrinin üzvləri, mətbuat işçiləri, Niyazi adına musiqi məktəbinin bir qrup işçiləri iştirak etmişlər.
Əvvəlcə Şəhidlərin xatirəsi bir dəqiqəlik sükutla yad edildi.
Beyləqan rayon İcra hakimiyyəti başçısının birinci müavini Telman Məstanov çıxış edərək bildirdi ki, biz 44 günlük müharibədə Silahlı Qüvvələrin Ali Baş Komandanı cənab İlham Əliyevin rəhbərliyi ilə işğalçı erməni ordusuna qalib gələrək ata-baba torpaqlarımızı işğaldan azad etdik. Düşmənə qalib gəldik. Möhtəşəm Qələbə bayramını qeyd etdik. Bu döyüşlərdə şəhidlər versək də qailb dövlətin nümayəndəsiyik. Bunun üçün fəxr edirik. Fəxr edirik ki, Mahir Dadaşzadə kimi qəhrəman döyüşçülərimizin sayəsində torpaqlarımızı işğaldan azad etdik. Allah bütün şəhidlərimizə rəhət eləsin.
Kürdəmir Regional Mədəniyyət İdarəsinin rəisi Faiq Qudanlı çıxış edərək 44 günlük vətən müharibəsində mədəniyyət işçilərinin də olmasından söz açdı. F.Qudanlı bildirdi ki, qələbənin qazanılması başda Silahlı Qüvvələrin Ali Baş Komandanı cənab İlham Əliyev olmaqla şanlı ordumuzun, şəhidlərimizin,qazilərimizin, burada iştirak edən hərbiçilərimizin, qazilərimizin hesabına olub.Mahir Dadaşzadə kimi peşəkar zabit böyütdükləri üçün Şəhidimizin ata-anasına təşəkkürünü bildirdi.Şəhidimizə və şəhidlərə Allahdan rəhmət dilədi.
Beyləqan rayon Ağsaqqallar Şurasının sədri Etibar İmanov, hacı Vidadi,şəhidimizin döyüşçü yoldaşı Şəmkir rayonundan İsmayılov İsmayıl, Biləsuvar rayonundan gizir Feyzzadə Zamiq Namiq oğlu (Şəhidimizin tələbə yoldaşı) çıxış edərək öz xatirələrini danışdılar.Şəhidlərə Allahdan rəhmət dilədilər.
Tədbirin sonunda məktəblilər Mahir Dadaşzadəyə həsr olunmuş şeirlər söylədilər.Niyazi adına Beyləqan rayon Musiqi məktəbinin şagirdləri şəhidlərə həsr olunmuş musiq səsləndirdilər.
Şəhidimizin atası Qərib Dadaşzadə, Şəhidimizin anası Ofelya Dadaşzadə,şəhidimizin həyat yoldaşı Lalə Dadaşzadə Mahirli günlərədən geniş və ətraflı danışaraq, tədbiri təşkil edənlərə ailələri adından minnətdarlıq etdilər.