Gürcü şahmatçı 15 saniyəlik kadra görə “Netflix”dən 5 milyon dollar təzminat tələb edir - FOTO/VİDEO

07:20 18-09-2021 456

Şahmat üzrə qadınlar arasında beşinci dünya çempionu Nona Qaprindaşvili “The Queens Gambit” serialını yayımlayan “Netflix”i məhkəməyə verib. İddianın məbləği 5 milyon dollardır (təxminən - 8 500 000 manat).

İddiaya səbəb filmdə onun barəsində danışılanlar olub. Belə ki, serialda Qaprindaşvilinin heç vaxti kişilərlə oynamadığı bildirilib. Gürcü şaxmatçının sözlərinə görə, halbuki 1968-ci ilə qədər 10-u qrossmeyster olmaqla, kişilərlə ən azı 59 partiya oyun keçirib.

Həmçinin, Qaprindaşvilinin filmdə gürcü deyil, rus kimi tanıdılması xoşuna gəlməyib.