Sürücü vurduğu piyadanı xəstəxanaya yerləşdirdi - VİDEO

05:54 14-05-2019 8

Yasamal rayonunda 1 nəfərin xəsarət almasına səbəb olan yol-nəqliyyat hadisəsi baş verib.

HerGun.Az xəbər verir ki, qəza rayonun Abdulla Şaiq küçəsində qeydə alınıb.

Abbas Abbasov idarə etdiyi “Hyundai” markalı avtomobil hərəkətdə olan zaman qəfil idarəetməni itirib və qarşısına çıxan piyadanı vurub.

Sürücü ağır xəsarət alan 1983-cü il təvəllüdlü Quliyev Alim Rasim oğlunu özəl xəstəxanaların birinə aparıb.

Onun vəziyyətinin ağır olduğu bildirilir.

Faktla bağlı Yasamal Rayon Polis İdarəsində araşdırma aparılır.

Kamil Əmirli, Elşad Mətləboğlu