Neftçalada bir nəfəri elektrik cərəyanı öldürdü

20:45 19-08-2019 478

Neftçala sakinini elektrik cərəyanı vurub.

HerGun.Az-ın bölgə müxbirinin məlumatına görə, hadisə bu gün saat 19:00 radələrində rayonun Qaraqaşlı kəndində baş verib.

Kənd sakini, 1979-cu il təvəllüdlü Şükürov Rüstəm Yaqub oğlu işıq dirəyində məftilləri bir-birinə bağlayan zaman ehtiyatsızlıq edib.

Nəticədə elektrik cərəyanı onu vuraraq öldürüb.

Hadisə yerinə hüquq-mühafizə orqanları gəlib.

Meyit müayinə olunmaq üçün məhkəmə-tibbi ekspertizaya göndərilib.

Faktla bağlı araşdırma aparılır.