Sabirabadda 34 yaşlı kişi özünü asdı

23:27 19-08-2019 1341

Sabirabad sakini intihar edib.

HerGun.Az-ın bölgə müxbirinin məlumatına görə, hadisə Sabirabad rayonunun Kürkəndi kəndində baş verib.

İlkin məlumata görə, kənd sakini, 1985-ci il təvəllüdlü Əsədov Qismət Gülağa oğlu həyətdəki ağacdan özünü asaraq intihar edib.

Onun asılı qalan meyiti yaxınları tərəfindən aşkarlanıb.

Hadisə ilə bağlı məlumat verilən kimi hüquq-mühafizə orqanları deyilən ünvana gəlib.

Əraziyə baxış keçirilib. Sonra meyit müayinə olunmaq üçün məhkəmə-tibbi ekspertizaya göndərilib.

İntiharın hansı səbəbdən baş verdiyi hələlik məlum deyil.

Faktla bağlı araşdırma aparılır.