Televiziya və Radio Akademiyasına yeni rektor təyin olunub
18:20 08-10-2021 364
“Azərbaycan Televiziya və Radio Verilişləri” QSC-nin Televiziya və Radio Akademiyasının rektoru Faiq Hüsiyev vəzifəsindən azad edilib.
Bu barədə AzTV-nin Sosial media və ictimaiyyətlə əlaqələr şöbəsi məlumat yayıb.
Bildirilib ki, QSC-nin sədri Rövşən Məmmədov Əməkdar mədəniyyət işçisi Telli Pənahqızının bu vəzifəyə təyin edilməsi ilə bağlı əmr imzalayıb.
Akademiyanın keçmiş rektoru Faiq Hüsiyev isə AzTV-nin İstimai-siyasi Proqramlar Studiyasının Analitik qrupunun rəhbəri təyin olunub.
Qeyd edək ki, Telli Pənahqızı 1980-ci ildən AzTV-də çalışır.
Bu təyinata kimi QSC-nin baş proqram direktorunun müavini vəzifəsində işləyirdi.
2019-cu ildən Milli Televiziya və Radio Şurasının üzvüdür.