Konsertdə faciə: Yeddinci mərtəbədən insanların üzərinə yıxıldı - FOTO
İsveçin Uppsala şəhərində konsert salonunda bir nəfər yeddinci mərtəbədən iki nəfərin üzərinə yıxılıb.
Nəticədə həm o özü, həm də üzərinə yıxıldığı şəxslərdən biri ölüb.
“Yüksəklikdən yıxılan təxminən 80 yaşlı kişi yerindəcə ölüb. Daha sonra foyedə olan başqa bir kişi, təxminən 60 yaşlı kişi də həyatını itirib”, - deyə hüquq-mühafizə orqanlarından bildirilib.
İsveçin “Aftonbladet” qəzeti əfsanəvi ABBA qrupu musiqiçiləri Byörn Ulveus və Benni Andersenə həsr olunmuş konsertin çərşənbə axşamı Uppsalada keçirilməsinin planlaşdırıldığını, lakin hadisə səbəbindən ləğv edildiyini yazıb.
Həmçinin, hüquq-mühafizə orqanlarının əməkdaşları xəsarət alan qadın barədə məlumat veriblər. Polisin məlumatına görə, təxminən 1000 nəfərin yerləşə biləcəyi konsert zalı indi hadisənin araşdırılması üçün bağlanıb.
Eyni zamanda, Uppsala Konsert Kompleksinin saytında onun noyabrın 3-dən 5-dək bağlı qalacağı bildirilir.
Hazırda polis hadisəni qəza kimi qiymətləndirir.
Due persone sono morte ad un concerto #Abba ad #Uppsala. Una persona é precipitata dal settimo piano colpendo 2 persone al piano terra, uccidendone una. La polizia dichiara a @svtnyheter che stanno facendo accertamenti per capire le dinamiche. #Svezia #UltimaOra pic.twitter.com/ZKydctuqD3
— Alex Maxia (@maxialexx) November 2, 2021
Mənbə: RİA Novosti
