Alp dağlarında şəxsi təyyarə qəzaya uğradı, 3 nəfər öldü
02:54 26-08-2019 649
İsveçrənin Alp dağlarında təyyarə qəzaya uğrayıb, üç nəfər həlak olub.
“RİA Novosti” xəbər verir ki, qəza Simplon aşırımı yaxınlığında baş verib.
Tək mühərrikli “Piper” tipli təyyarə avqustun 25-i səhər saatlarında Qərbi İsveçrədəki aerodromdan çıxaraq İtaliyaya yola düşüb, ancaq sərhədə çatmamış qəzaya uğrayıb. Bundan sonra təyyarə alışıb yanıb.
Yanmış təyyarədən pilotun, sərnişinin və bir uşağın qalıqları çıxarılıb. Polis ölənlərin şəxsiyyətini müəyyənləşdirir.
