"Qarabağ" Delarjla yollarını ayırdı
13:18 30-08-2019 811
Ağdamın "Qarabağ" klubu Con Delarjla yolları ayırıb.
Klubun mətbuat xidmətindən HerGun.Az-a verilən məlumata görə, futbolçu ilə müqavilə qarşılıqlı razılıq əsasında ləğv edilib və 29 yaşlı konqolu futbolçuya azad agent statusu verilib.
Qeyd edək ki, C.Delarj 2018-ci ilin iyulunda Türkiyənin "Bursaspor" klubundan "Qarabağ"a transfer olunub. Konqolu hücumçu ilə üç (2+1) illik müqavilə imzalanıb.
2019-cu ilin yanvarında o, baş məşqçi Qurban Qurbanovun qərarına əsasən, əvəzedici heyətə göndərilib.
Samir İsayev
