Prezident AzTV-yə sədr təyin etdi - SƏRƏNCAM
11:09 04-09-2019 540
Prezident İlham Əliyev “Azərbaycan Televiziya və Radio Verilişləri” QSC-yə sədr təyin edib.
Dövlət başçısı Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıb ki, Rövşən Raqif oğlu Məmmədov “Azərbaycan Televiziya və Radio Verilişləri” Qapalı Səhmdar Cəmiyyətinin sədri təyin edilsin.
Xatırladaq ki, Prezident İlham Əliyevin yanvar ayının 15-də imzaladığı sərəncamla Arif Nizam oğlu Alışanov “Azərbaycan Televiziya və Radio Verilişləri” Qapalı Səhmdar Cəmiyyətinin sədri vəzifəsindən azad edilib.
AzTV sədri vəzifəsinin icrası jurnalist Rövşən Məmmədova tapşırılmışdı.
