Erməni generalının oğlu tapança çıxarıb, atəş açdı - FOTO
Ermənistanda general Manvel Qriqoryanın oğlu atışmada iştirak edib.
Erməni KİV-nin verdiyi xəbərə görə, Armavir vilayətində iki sürücü arasında münaqişə yaranıb. Onların heç biri o birinə yol vermək istəməyib. Nəticədə general oğlu atəş açıb.
İnsident 30 yaşlı Koryun X. ilə 26 yaşlı Ara Q. arasında baş verib. Mübahisə zamanı Ara tapança çıxararaq, Koryuna tərəf atəş açıb, sonuncu, hadisə yerindən uşaqlaşa bilib.
Bundan sonra Ara Q. də "Hyundai" markalı avtomobili ilə aradan çıxıb.
Polis general oğlunu saxlayıb. Ara Q. "Kimar" markalı qaz tapançasını asayiş keşikçilərinə təqdim edib. Axtaış zamanı onun üzərindən bıçaq da tapılıb.
Mənbənin verdiyi xəbərə görə, Ara Q. Ermənistan parlamentinin sabiq deputatı, general Manevl Qriqoryanın oğludur.
Ara Q. şəhəri tərk etməməklə bağlı iltizam imzalyıb.
