Şeyx: Öz qanımızı verməklə xəstələrə kömək edirik
12:27 10-09-2019 784
Zəncirvurma, başyarma, qan çıxarma halları bəyənilmir.
Oxu.Az-ın məlumatına görə, bunu jurnalistlərə açıqlamasında Qafqaz Müsəlmanları İdarəsinin sədri Şeyxülislam Allahşükür Paşazadə deyib.
Onun sözlərinə görə, buna görə qanvermə aksiyası keçirmək qərarına gəlinib:
"Öz qanımızı verməklə xəstə insanlara kömək edirik. Bu, şəriətin və dinin istəyidir. İllər keçməsinə baxmayaraq, hələ də Azərbaycanda Aşura günü ənənəsi yaşadılır".
QMİ sədri qeyd edib ki, hazırda Azırbaycanın bir çox məscidlərində qanvermə aksiyası davam edir:
"Sevindirici haldır ki, Azərbaycandan sonra qonşu ölkə olan İran və Türkiyədə də bu ənənə geniş vüsət alıb. Hesab edirəm ki, bu savablı işdir. Vətən uğrunda şəhid olan bütün şəhidlərimizə də başsağlığı verirəm".
İlhamə Əbülfət
