Mikroavtobusun vurduğu qadın xəstəxanada öldü

09:45 12-09-2019 381

Sumqayıtda piyada ölümü ilə nəticələnən yol-nəqliyyat hadisəsi baş verib.

HerGun.Az-ın məlumatına görə, hadisə şəhərin 11-ci mikrorayon ərazisində qeydə alınıb. 

Sumqayıt sakini, 1965-ci il təvəllüdlü Rüstəmov Arzu Əfsər oğlu idarə etdiyi “FORD TRANZİT” markalı, 99 GR 708 dövlət qeydiyyat nişanlı mikroavtobusla axşam radələrində Bədəlbəyli küçəsində hərkətdə olarkən həmşəhərlisi, 1945-ci il təvəllüdlü Quliyeva Ədilə Beydulla qızını vurub. 

Qadın təcili olaraq Sumqayıt şəhər təcili tibbi yardım xəstəxanasına aparılsa da, aldığı xəsarətlərdən xəstəxanada vəfat edib.

Faktla bağlı cinayət işi başlanıb, istintaq aparılır.

Könül Cəfərli