Həbib Nurməhəmmədovun növbəti rəqibi bəlli oldu

01:54 13-09-2019 436

UFC üzrə yüngül çəki dərəcəsində dünya çempionu olan Həbib Nurməhəmmədovun agenti onun növbəti rəqibinin kimliyini açıqlayıb.

Ali Abdel-Aziz qeyd edib ki, “Qartal” ləqəbli döyüşçü növbəti yarışını Georges Seynt-Pyerə qarşı keçirəcək.

“Bildiyim qədər növbəti rəqib Seynt-Pyer olacaq. Bizim üçün əsas odur ki, Həbib istədiyini əldə etsin. Üstəlik, mən Georges ilə 10 ildir ki, dostam və bilirəm ki, Həbiblə qarşılaşmaq istəyir”.

Qeyd edək ki, ötən həftəsonu Həbib amerikalı Dastin Puaryeni məğlub edərək UFC yüngül çəkidə çempion titulunu saxlamışdı.