BQXK Azərbaycan əsgərinin nəşinin qaytarılması üçün danışıqlar aparır - RƏSMİ

14:36 23-09-2019 1131

Beynəlxalq Qızıl Xaç Komitəsi (BQXK) sentyabrın 22-də cəbhəboyu zonada azaraq düşmənlə üzbəüz mövqelər arasındakı ərazidə ermənilər tərəfindən vurulan əsgərin meyitinin qaytarılması ilə bağlı danışıqlar aparır.

Bunu HerGun.Az-a açıqlamasında komitənin Azərbaycan nümayəndəliyinin İctimaiyyətlə əlaqələr şöbəsinin rəhbəri İlahə Hüseynova deyib.

Onun sözlərinə görə, məsələdən xəbərdar olan Beynəlxalq Qızıl Xaç Komitəsi əlaqədar qurumlarla ikitərəfli konfidensial dialoq aparır.

Müdafiə Nazirliyindən məlumatına görə, əsgərin nəşinin ərazidən təhlükəsiz təxliyyəsini təmin etmək məqsədilə Beynəlxalq Qızıl Xaç Komitəsinin Azərbaycan nümayəndəliyinə müraciət olunub.

Sevinc Yasinqızı