“Könüllü qonaq” Goranboyda - FOTO

14:40 31-01-2020 350

Ölkə Prezidenti İlham Əliyevin 2020-ci ili “Könüllülər ili” elan etməsi ilə əlaqədar bir sıra rayonlarda başlanan “Könüllü qonaq” təşəbbüsü Goranboy gəncləri tərəfindən davam etdirilib.

HerGun.Az xəbər verir ki, gənclər Goranboy rayon ərazisində yaşayan qayğıya ehtiyacı olan növbəti sakinin evinə baş çəkiblər. Adıçəkilən təşəbbüs qayğıya xüsusi ehtiyacı olan ailələrin və tənha şəxslərin evlərinə baş çəkərək, təmizlik işlərinin aparılması, evlərdə, həyətlərdə və bağlarda səliqə-sahman yaradılmasını nəzərdə tutur.

Gənclər həmçinin, ailələrlə çay süfrəsi ətrafında səmimi söhbətlər edir və bu əsnada ailələr öz həyat hekayələrini “Könüllü qonaq”larla paylaşırlar. Goranboy gəncləri də məişətlə bağlı ev sahibinə köməklik göstərdikdən sonra birlikdə xoş və maraqlı vaxt keçiriblər. Onlar ölkəmizin digər şəhər və kəndlərində yaşayan gəncləri də #konulluqonaq təşəbbüsünə qoşulmağa çağırıblar.