10 yaşlı uşaq relslərin üzərində sərxoş vəziyyətdə tapıldı
14:00 23-01-2020 361
Dəmir yolunda relslərin üzərində uzanmış 10 yaşlı məktəblinin sərxoş vəziyyətdə olması görənləri heyrətə gətirib. Onlar dərhal təcili yardıma xəbər veriblər. Hadisə Rusiyada baş verib.
Bu barədə “ÇP Saratov” xəbər yayıb.
Bildirilir ki, Saratov sakinləri əvvəlcə uşağın xəstə olduğunu, ya da başına bir iş gəldiyini düşünüblər. Lakin sonradan onun sərxoş olduğu aydınlaşıb.
Hadisə yerinə gələn tibb işçiləri uşağı xəstəxanaya aparıblar. Onun vəziyyəti orta ağır qiymətləndirilir.
Məktəblinin bu vəziyyəti ilə bağlı araşdırmalara başlanılıb.
