Məhkəmə sədri və iki hakim vəzifəsindən azad edildi

16:09 12-07-2019 859

Azərbaycanda bir məhkəmə sədri və iki hakim vəzifəsindən azad edilib.

Bununla bağlı Məhkəmə-Hüquq Şurasının bu gün keçirilən iclasında qərar qəbul edilib.

Qərara əsasən, Gəncə İnzibati-İqtisadi Məhkəməsinin sədri Natiq Abbasov və hakimi Kamil Rzayev, Göygöl Rayon Məhkəməsinin hakimi Rafiq Məmmədov tutduğu vəzifədən azad olunaraq başqa işə keçiriliblər.

Onların qanunvericiliyin tələblərini kobudcasına pozduğu və korrupsiyaya şərait yaradan hallara, süründürməçiliyə və digər pozuntulara yol verdiyi bildirilir. 

Bundan başqa, bir sıra hakimlər də intizam məsuliyyətinə cəlb edilib.