Gürcüstan patriarxlığının nümayəndə heyəti Azərbaycana gələcək

09:20 05-06-2021 51

Azərbaycanın Gürcüstandakı səfiri Faiq Quliyev Gürcüstan Patriarxlığının nümayəndələri Bütün Gürcüstan Katalikos-Patriarxının xorepiskopu, mitropolit Teodor, patriarxlığın xarici əlaqələr şöbəsinin rəhbəri, mitropolit Gerasim və Tbilisi Ruhani Akademiyasının rektoru, protopresviter Georgi ilə görüşüb.

Bu barədə AZƏRTAC-a səfirlikdən məlumat verilib.

Bildirilib ki, səfirlikdə keçirilən görüşdə Gürcüstan Patriarxlığının nümayəndə heyətinin bu yaxınlarda Azərbaycana gözlənilən səfəri ilə bağlı məsələ diqqət mərkəzində olub.

Söhbət zamanı xalqlarımız arasında tarixən formalaşmış mehriban qonşuluq, qardaşlıq münasibətləri xüsusi vurğulanıb, Gürcüstan Patriarxlığının nümayəndə heyətinin Azərbaycana planlaşdırılan səfərinin bu münasibətlərin daha da möhkəmlənməsinə və genişlənməsinə xidmət edəcəyi qeyd edilib.

Görüşdə Qafqaz Müsəlmanları İdarəsinin Gürcüstan üzrə nümayəndəsi hacı Əli Əliyev də iştirak edib.