Sulşerli “Mançester Yunayted”i məğlub edən tapıldı - VİDEO

02:18 13-02-2019 4

UEFA Çempionlar Liqasında 1/8 finalında maraqla gözlənilən matçlarından biri reallaşıb.

HerGun.Az xəbər verir ki, İngiltərənin “Old Traford” stadionunda “Mançester Yunayted”lə PSJ üz-üzə gəlib.

Norveçli Ola Qunar Sulşerin təyinatından sonra uduzmayan “qırmızı şeytanlar” bu görüşdə favorit göstərilirdi. Səbəb Fransa çempionlarının heyətində uruqvaylı Edinson Kavani və braziliyalı Neymarın olmaması belə deməyə əsas verirdi. Lakin almaniyalı baş məşqçi Tomas Tuşelin komandası rəqibini 2:0 hesabı ilə yenərək proqnozları alt-üst edə bildi.

İlk hissəsi qolsuz başa çatan görüşdə əsas hadisələr fasilədən sonra cərəyan edib. 53 və 60-cı dəqiqələrdə müvafiq olaraq Presnel Kimpembe ilə Kilyan Mbape fərqlənib. 10 sarı vərəqənin çıxdığı görüşdə Pol Poqba 89-cu dəqiqədə braziliyalı Dani Alveşə qarşı etdiyi kobud hərəkətə görə meydandan qovulub (ikinci sarı vərəqə).

Bununla da Ola Qunar Sulşerli “Mançester Yunayted” ilk məğlubiyyətini PSJ-dən alıb. Həmçinin bu nəticə ilə İngiltərə klubunun 1/4 final şansları azalıb.

Qeyd edək ki, tərəflər martın 6-da Fransanın paytaxtı Parisdə cavab matçına çıxacaq. Fransalı Pol Poqba cavab matçı üçün vətənində oynaya bilməyəcək.

Səbuhi MUSAYEV

ANDROID əməliyyat sistemli smartfonlar

iOS əməliyyat sistemli smartfonlar