Ohanyan Sarqsyanın üzünə durdu - Üzləşdirilmə vaxtı qarşıdurma

11:09 13-02-2019 5

Ermənistanın keçmiş müdafiə naziri Seyran Ohanyan İstintaq Komitəsində dindirilərkən, sabiq prezident Serj Sarqsyanı çıxılmaz vəziyyətdə qoyub. 

Bu barədə Ermənistanın “Qraparak” nəşri xəbər yayıb. Məlumata görə, Ohanyan Sarqsyana qarşı ifadə verib. Üzləşdirilmə zamanı isə tərəflər arasında qarşıdurma yaşanıb.

Hadisənin təfərrüatları açıqlanmasa da, Sarqsyana yaxın mənbə bunu təkzib edib.

“Ohanyan Sarqsyana qarşı ifadə verməyib. O yalnız Sarqsyanın onun ali komandanı olduğunu və əmrlərini yerinə yetirdiyini bildirib”, - deyə mənbə bildirib. 

O əlavə edib ki, Sarqsyanın həbs olunacağı istisna deyil, çünki bütün proseslər buna aparır. 

Mənbə deyib ki, Paşinyan hökuməti aşağı olan reytinqi qaldırmaq üçün yeni "şou"ya əl atmaq niyyətindədir. 

Xatırladaq ki, dünən yayılan məlumatda dindirilmənin 2008-ci il 1 mart hadisələri ilə deyil, hələlik gizli saxlanılan başqa cinayətlə bağlı olduğu bildirilib. 

ANDROID əməliyyat sistemli smartfonlar

iOS əməliyyat sistemli smartfonlar