Almaniyada təbii fəlakət qurbanlarının sayı artır

01:20 19-07-2021 305

Almaniyada daşqın və sel nəticəsində həlak olanların sayı artmaqda davam edir.

“Bild” nəşrinin məlumatıa görə, artıq 156 nəfər təbii fəlakətin qurbanı olub.

Ölüm hallarından 110-u Reynland-Pfalts, 45-i Şimali Reyn-Vestfaliya, biri isə Bavariya vilayətində qeydə alınıb.

Qeyd edək ki, Almaniyada sel və daşqınlara səbəb “Bernd” qasırğası olub.

Təbii fəlakət nəticəsində ölənlərin sayının artacağı gözlənilir.