Bakıda Arif Məlikova heykəl qoyulacaq - SƏRƏNCAM

15:27 17-05-2019 8

Prezident İlham Əliyev Arif Cahangir oğlu Məlikovun əbədiləşdirilməsi haqqında sərəncam imzalayıb. 

Sərəncamın mətni AZƏRTAC-da dərc olunub. 

Sənədə əsasən, Bakı şəhər İcra Hakimiyyəti Azərbaycan musiqi sənətinin görkəmli nümayəndəsi, böyük bəstəkar, SSRİ xalq artisti, Dövlət mükafatı laureatı, akademik Arif Cahangir oğlu Məlikovun qəbirüstü abidəsinin qoyulmasını təmin etməli, Bakı şəhərindəki küçələrdən birinə Arif Məlikovun adı verilməlidir. 

Bundan başqa, Mədəniyyət Nazirliyi Bakı şəhər İcra Hakimiyyəti ilə birlikdə Bakı şəhərində Arif Məlikovun heykəlinin ucaldılmasını təmin etməli, Bakı şəhərində yerləşən musiqi məktəblərindən birinə Arif Məlikovun adı verilməlidir.