Ermənistan – Gürcüstan sərhədində güclü zəlzələ

00:27 11-09-2019 13

Ermənistanda zəlzələ olub.

"RİA Novosti" xəbər verir ki, Fövqəladə Hallar Nazirliyi ölkənin şimalında Gürcüstan ilə sərhəd yaxınlığında güclü zəlzələ barədə məlumatı təsdiqləyib.

Bildirilib ki, zəlzələnin gücü 4,8 bal, episentrində isə 6-7 bal olub.

Bir neçə saat əvvəl Gürcüstanın Seysmologiya Mərkəzi Ermənistanda iki zəlzələ baş verdiyini bildirmişdi. Nazirlikdən verilən məlumata görə, 5.2 bal gücündə ilk zəlzələ Ermənistanla Gürcüstan sərhədindən 8 kilometr aralıda, 10 kilometr dərinlikdə qeydə alınıb. Ardınca Gürcüstan-Ermənistan sərhədindən 5 kilometr aralıda, 5 kilometr dərinlikdə 4.2 bal gücündə daha bir zəlzələ qeydə alınıb. Gərginlik Gürcüstanın paytaxtında da hiss edilib.

Fövqəladə Hallar Nazirliyinin ilkin məlumatına görə, Ermənistan ərazisində dağıntı yoxdur.