Bakıda daha bir dünya çempionatı keçiriləcək
17:27 13-09-2019 437
Azərbaycan daha bir dünya çempionatına ev sahibliyi edəcək.
HerGun.Az xəbər verir ki, 8-9 noyabr tarixində Bakıda yeniyetmələr, gənclər və veteranlar arasında qrapplinq üzrə dünya çempionatı keçiriləcək.
Qrapplinq üzrə böyüklər arasında dünya çempionatı isə sentyabrın 22-23-də Qazaxıstanın paytaxtı Nur-Sultanda baş tutacaq. Bu, güləş üzrə dünya çempionatı başa çatdıqdan dərhal sonra başlayacaq.
Qeyd edək ki, bu dünya çempionatları Dünya Güləş Birliyinin bayrağı altında keçirilir.
Səbuhi Musayev