Homoseksual çeçen qadın: valideynlərim döyə-döyə içimdən cin çıxarmaq istəyirdilər

03:00 22-01-2020 88

22-yaşlı Çeçenistan sakini Aminat Lorsanova hüquq-mühafizə orqanlarına müraciət edərək valideynlərinə qarşı cinayət işinin açılmasını tələb edib.

“Lentaç” xəbər verir ki, A.Lorsanova valideynlərinin bir neçə ildir ki, içindən “cini qovmaq” üçün ona müxətlif əziyyətlər verir.

Buna səbəb qızın seksual oriyentasiyası və islamdan imtina etməsi olub.

Onun sözlərinə görə, 2018-ci ildə iki dəfə psixodispanserə yerləşdirilərək, gərəksiz müalicə almağa məcbur edilib.

Həmçinin qızı bir neçə dəfə atasının tanışı “müalicə etməyə” çalışıb.

“O üst paltarımı açaraq sinəmdən yumruqlayırdı. Sonra isə donumu aşağı salaraq qarnımı əlləri ilə sıxırdı. Bu zaman mən kəskin ağrıdan qışqırır, o isə qulağıma dayanmadan dualar oxuyurdu.Valideynlərim isə sakit şəkildə buna baxırdılar. Hətta mən onları köməyə çağıranda reaksiya vermirdilər”, - deyə A.Lorsanova qeyd edib.

Onun sözlərinə görə, valideynləri evdə də onu “cindən qurtarmaq” cəhdindən əl çəkməyiblər.

“Atam qollarımı, ayaqlarımı, ağzımı bağlayırdı. Məni qoyun kimi bağlayıb heyvan kimi rəftar edəcəyini deyirdi. Bundan sonra zorla aminazin (trankvilizator növü) inyeksiyası edərək üzü divara uzandırırdı”, - deyə qadın şikayət edib.