Bakıda Naxçıvan sakini ağır yaralandı
15:00 13-06-2020 638
Bakının Nizami rayonunda bıçaqlanma hadisəsi baş verib. Nəticədə, Naxçıvan Muxtar Respublikasının Şərur rayon sakini, biri dərinə nüfuz edən kəsilmiş-deşilmiş bədən xəsarətləri alıb.
Bu barədə HerGun.Az-a hüquq-mühafizə orqanlarından məlumat verilib.
Cinayət hadisəsi iyunun 12-də, saat 00:10 radələrində B.Nuriyev küçəsində törədilib. Xəsarət alan 1982-ci il təvəllüdlü Xoşbəxt Rzayev 3 saylı Şəhər Klinik Xəstəxanasına yerləşdirilib. Onun vəziyyəti ağır qiymətləndirilir.
Ciddi bədən xəsarəti yetirməkdə şübhəli bilinən şəxsin kimliyi hələlik müəyyənləşdirilməyib. Bu istiqamətdə tədbirlər davam etdirilir.
Ramella İbrahimxəlilova