Samuxda həmkəndlisini bıçaqlayan şəxs tutulub
23:20 27-07-2021 349
Samux rayonunun Çobanabdallı kəndində həmyerlilər arasında mübahisə bıçaqlanma ilə nəticələnib.
“Report” xəbər verir ki, kənd sakini, 1990-cı il təvəllüdlü Xəyal Məmmədov mübahisə zəminində həmyerlisi, 2000-cı il təvəllüdlü Taleh Məhərrəmov tərəfindən bıçaqlanıb.
Xəsarət alan hadisə yerinə çağrılan təcili tibbi yardım maşını ilə xəstəxanaya aparılıb.
Hadisəni törətməkdə şübhəli bilinən şəxs polis əməkdaşları tərəfindən saxlanılıb.
Faktla bağlı araşdırmalara başlanılıb.