ABŞ-ın yüksək vəzifəli diplomatı Azərbaycana gəlir
12:40 02-11-2021 442
ABŞ Dövlət katibinin köməkçisinin Avropa və Avrasiya məsələləri üzrə müavini Erika Olson Azərbaycan, Ermənistan və Gürcüstana səfər edəcək.
Bu barədə ABŞ-ın Ermənistandakı səfirliyi məlumat yayıb.
Səfirlikdən bildirilib ki, diplomatın regiona səfəri çərçivəsində regional əməkdaşlığın inkişafı və ikitərəfli məsələlərin müzakirəsi planlaşdırılır.
Həmçinin Ermənistan paytaxtında regiondakı ABŞ səfirlərinin və digər diplomatik nümayəndəliklərinin toplantısı keçiriləcək. Toplantıda ABŞ-ın ölkəmizdəki səfiri Erl Litsenberqer, Ermənistandakı səfiri Linn Treysi və Gürcüstandakı səfiri Kelli Deqnan da iştirak edəcək.
