İmişlidə avtomobil traktora çırpılıb, xəsarət alanlar var
01:00 15-12-2021 411
İmişlidə iki nəfərin xəsarət alması ilə nəticələnən yol-nəqliyyat hadisəsi baş verib.
“Report” xəbər verir ki, hadisə Bəhrəmtəpə - Beyləqan avtomobil yolunun rayon ərazisindən keçən hissəsində qeydə alınıb.
Belə ki, hərəkətdə olan “İsuzu” markalı minik avtomobili qarşıda gedən traktora çırpılıb.
Qəza nəticəsində Beyləqan rayon sakinləri, 1980-ci il təvəllüdlü Camalov Ceyhun Əsgər oğlu və 1993-cü il təvəllüdlü Orcuyev Xalid Sərxan oğlu müxtəlif dərəcəli bədən xəsarətləri alıb.
Xəsarət alanlar Beyləqan Rayon Mərkəzi Xəstəxanasına yerləşdirilib.
Faktla bağlı araşdırma aparılır.
