Ermənistanda rus hərbçinin meyiti tapıldı

23:27 11-09-2019 27

Ermənistanın Gümrü şəhərində 23 yaşlı rus hərbçinin zorakılığa məruz qalmış meyiti tapılıb.

Bu barədə TASS agentliyi Ermənistanın İstintaq Komitəsinə istinadən məlumat yayıb. Məsələ ilə bağlı cinayət işi qaldırılıb.

Erməni KİV-nin məlumatına görə, Rusiyanın Gümrüdəki 102-ci hərbi bazasında müqavilə əsasında xidmət edən serjant Aleksandr Babuşkin ölüb.

Məlumata əsasən, hərbçinin üzündə, əlində və ayaqlarında bıçaq izləri olub. Aleksandrın meyiti sentyabrın 10-da, səhər saatlarında tapılıb.