Bakını bürüyən toz-dumanın əsas səbəbi açıqlandı

18:40 26-02-2020 30

“Hazırda Bakı və Abşeron yarımadasında müşahidə olunan toz dumanı lokal xarakter daşıyır”.

Bunu HerGun.Az-a Ekologiya və Təbii Sərvətlər Nazirliyinin (ETSN) Ətraf Mühit üzrə Milli Monitorinq Departamentinin direktoru Ramal Bağırov bildirib.

O bildirib ki, buna səbəb ötən gün əsən güclü külək nəticəsində atmosferin yuxarı qatına qalxmış tozun səhər saatlarında müşahidə olunan duman və nisbi rütubətin yüksək olması ilə əlaqədar atmosferin aşağı qatına enməsidir:

“Hazırda tozun miqdarı sanitar normadan 2.6 dəfə çoxdur”.

O qeyd edib ki, tozlu hava şəraitinin günün sonunadək müşahidə olunacağı ehtimal olunur.