Müfəttiş sərxoş sürücünün hərəkətdə olan avtomobilinə atıldı - VİDEO
Sosial şəbəkələrdə qeyri-adi yol-nəqliyyat hadisəsi barədə görüntülər yayıb. Videoda görünür ki, müfəttiş sərxoş sürücünün hərəkətdə olan avtomobilinə tullanır.
“LifeShot” “Telegram” kanalının məlumatına görə, hadisə Krımda qeydə alınıb.
Bildirilir ki, yol patrul xidmətinin əməkdaşı yolda qəribə manevrlər edən sürücünün avtomobilini dayandırmaq barədə göstəriş verib. Qarşı tərəf isə əmrə tabe olmayıb və yoluna davam edib.
Ancaq işıqforda dayanmaq məcburiyyətində qalıb. Müfəttiş ona yaxınlaşdıqda isə qorxub və maşını hərəkətə gətirib. Bunu görə hüquq mühafizəçi özünü itirməyib və maşına atılıb.
Sonradan məlum olub ki, maşın sürücünün dostuna aid imiş.
Sürücü və sərxoş dostunun sükan arxasına keçməsinə icazə verən avtomobil sahibi ilə bağlı inzibati sənədlər hazırlanıb.
