Azərbaycanda bu gün mövsümün ilk mərkəzi futbol matçı olacaq
Bu gün futbol üzrə Azərbaycan Premyer Liqasında IX tura start veriləcək.
HerGun.Az-ın xəbərinə görə, tur Zirə qəsəbəsində keçirilən görüşlə start götürəcək. Qəsəbənin eyni adlı klubu “Keşlə” ilə qarşılaşacaq.
Turun mərkəzi görüşü də məhz bu gün baş tutacaq. Belə ki, son illər çempionatda bir-birinə barışmaz rəqib olan “Qarabağ”la “Neftçi” cari mövsüm ilk dəfə üz-üzə gələcək.
Görüşü maraqlı edən məqam bu turadək hər iki komandanın xalının eyni – 17 olmasıdır. Heç-heçə “Qarabağ”ı top fərqinə görə lider saxlayacaq. Ancaq son çempion “Neftçi” cari mövsüm ilk dəfə turnir cədvəlinin lideri olmaq üçün mütləq qələbə qazanmalıdır.
Azərbaycan Premyer Liqası
IX tur
30 oktyabr
16:00 “Zirə” – “Keşlə”
Baş hakim: Rəşad Əhmədov
Bakı. Zirə İdman Kompleksinin stadionu
18:30 “Qarabağ” – “Neftçi”
Baş hakim: Əliyar Ağayev
Bakı. “Azersun Arena”
31 oktyabr
16:00 “Qəbələ” – “Sabah”
Baş hakim: Elçin Məsiyev
Qəbələ şəhər stadionu
18:15 “Sumqayıt” – “Səbail”
Baş hakim: Fərid Hacıyev
Sumqayıt. “Kapital Bank Arena”
Səbuhi Musayev