Pakistan və Yaponiya jurnalistləri Gəncədə erməni terroru barədə məlumatlandırılıblar - FOTO
10:20 07-11-2021 313
Pakistanın və Yaponiyanın nüfuzlu media qurumlarının nümayəndələri Gəncə şəhərində səfərdədir.
"Report"un Qərb Mərkəzinin məlumatına görə, onlar Vətən müharibəsi zamanı Ermənistan Silahlı Qüvvələri tərəfindən Gəncədə törədilən terror hadisələrinin baş verdiyi ərazilərə baş çəkiblər.
Qonaqlar erməni terroru nəticəsində həlak olanların xatirəsinə ehtiram əlaməti olaraq dağıntılar olan əraziyə güllər düzüblər. Burada onlara hadisə barədə məlumatlar verilib.
Qeyd edək ki, media nümayəndələri "Qlobal Media"-nın təşkilatçılığı ilə Gəncəyə səfər ediblər.
