Avropa çempionatında millimiz üçün prinsipial görüş: Ermənistanla qarşılaşacağıq
13:00 17-11-2021 426
Sloveniyanın Brejitse şəhəri yaxınlığındakı Terme Çatej kurort mərkəzində keçirilən şahmat üzrə Avropa çempionatında millilərimizin rəqibləri müəyyənləşib.
HerGun.Az-ın xəbərinə görə, kişi komandamız sabah VI turda Ermənistanla, qadın millimiz isə İtaliya ilə qarşılaşacaq.
Qeyd edək ki, məğlubiyyətsiz irəliləyən kişilərdən ibarət millimiz səkkiz xalla ikinci sıradadır. Komandamız lider Rusiya ilə eyni xala malik olsa da, əlavə əmsala görə şimal qonşumuzdan geri qalır. Qadın yığmamız isə yeddi xalla beşinci sıradadır.
Xatırladaq ki, Avropa çempionatı noyabrın 21-də başa çatacaq.
